Искать:

“Суд фахрийси” кўкрак нишони соҳиби Миршариф Мелиевич 70 ёшда !

    Мамлакатимизнинг суд ва ҳуқуқни муҳофаза қилувчи органлар тизимида хизмат қилиб, қонун устуворлигини таъминлаш мақсадида судьялик қасамёдини муқаддас билиб, унга содиқ қолиб узоқ йиллар давомида шарафли касбининг юксак масъулиятини мустаҳкам сақлаб келган ҳурматли Миршариф Мелиев бугун етмиш ёшни қаршилади.                 Албатта, инсоннинг кўп йиллик ҳаётий тажрибаси, меҳнат фаолияти, амалга оширилган ва ҳали улгурмаган ишларни сарҳисоб қилишга, муайян хулосалар чиқаришга, янги-янги муваффақиятлар сари етакловчи истиқболли йўлларни белгилашга имкон беради.    Ана шу ҳаяжонли лаҳзаларда киши ўз ҳаётидан, меҳнатидан оз бўлса-да, қониқиш ҳосил қилади. Не бахтки, Сиз ҳаётда ўз ўрнини топган, меҳнати, интилишлари билан кўпчиликнинг, айниқса, ҳамкасбларингиз ва шогирдларингизнинг эътирофига сазовор инсонсиз. Сиз одил судловни амалга оширишда фидоийлигингиз, юксак салоҳиятингиз, ташаббускорлигингиз ҳамда теран фикрлашингиз билан муносиб ҳисса қўшган суд фахрийлари қаторидан жой олгансиз.

Сизни барча шогирдларингиз камтар, иродали, матонатли, сабру бардошли инсон ҳамда қадрли устоз сифатида эътироф этишади.

Ҳурматли устоз! Сизни яна бир бор муборак ёшингиз билан самимий қутлаб, Сизга мустаҳкам саломатлик, узоқ умр, оилангизга тинчлик ва хотиржамлик, фаолиятингизда янада улкан зафарлар тилаб қоламиз. Ҳурмат билан

Камол Намазов 
Сирдарё вилоят судининг касаба уюшмаси қўмитаси раиси   

Биз коррупцияга қаршимиз!

Коррупцияга қарши курашиш борасида мамлакатимизда қабул қилинган қонунларнинг мазмун моҳияти ва фуқароларнинг бундаги ролини кучайтириш. Шу мақсадда Сирдарё вилоят суди фуқаролик судлов ҳайъати судьялари, фуқаролик ишлари бўйича Гулистон туманлараро судининг судьялари томонидан “Ўзбектелеком” акциядорлик компанияси Сирдарё филиали, Гулистон шаҳар телекоммуникация боғланмаси, Телекоммуникация транспорт тармоғининг учинчи техник боғланмаси ва “Ўзбекистон почтаси” Сирдарё вилоят бошқармаси ва Гулистон шаҳар почта алоқа боғланмаси ички ходимлари иштирокида  “Биз коррупцияга қаршимиз!” мавзусида давра суҳбати ташкил этилди.

Унда  коррупцияга қарши курашиш ва коррупциявий ҳолатларнинг барвақт олдини олиш тизими самарадорлигини ошириш, ушбу жараёнга жамоатчиликни кенг жалб этиш ва коррупцияга нисбатан муросасиз муносабатда бўлиш муҳитини шакллантириш мақсадида йиғилганларга мамлакат ривожланишининг бугунги босқичида коррупция Ўзбекистон давлати ва жамияти тараққиёти учун энг жиддий хавф-хатарлардан бири эканлиги ҳақида тушунтиришлар берилиб, коррупцияга қарши курашда ҳар бир фуқаронинг роли нимадан иборат эканлиги тушунтирилди.

Шунингдек йиғилиш иштирокчилари сўнгги йилларда судлар фаолиятида замонавий технологияларни кенг жорий этиш бўйича амалга оширилган тадбирлар фуқаролар ва тадбиркорлик субъектларига ўз ҳуқуқлари ва манфаатларини ҳимоя қилиш учун судга мурожаат қилишни эркинлаштириш, умуман одил судловга эришишни ошириш ҳамда судлар фаолиятида очиқлик ва шаффофликни таъминлаш имконини берди.

Шу билан бирга учрашув иштирокчиларига судлар фаолиятига замонавий ахборот-коммуникация технологияларини жорий этиш дастурининг ижроси натижасида судларга масофадан туриб мурожаат қилиши, суд мажлисларида видеоконференцалоқа тизимидан фойдаланиб иштирок этиши мумкинлиги, фуқароларнинг аризалари судьялар ўртасида ишларни автоматик тарзда бошқа шахсларнинг иштирокисиз тақсимланиши йўлга қўйилганлиги, суд қарорларини интернет тармоғида эълон қилиб борилаётганлиги, ижро ҳужжатларини электрон шаклда мажбурий ижрога юбориш тизимлари жорий этилганлиги ҳақида маълумот берилди. Булар ҳам ўз навбатида суд соҳасида коррупцияга йўл қўймаслик борасида амалга оширилаётган катта қадам эканлиги тўғрисида йиғилганларга тушунтириш берилди. Давра суҳбати мавзуга оид савол-жавоблар билан якунланди.

Лобар Шербекова

Сирдарё вилоят суди фуқаролик судлов ҳайъати судьяси

Эндиликда банкротликка учраган корхона раҳбари субсидар жавобгарликка тортилади

        Сирдарё вилоят судининг иқтисодий ишлар бўйича судлов ҳайъати томонидан Сирдарё вилоят Давлат солиқ бошқармаси, туман, шаҳар давлат солиқ инспекциялари ходимлари

        ва Давлат активларини бошқариш агентлиги Сирдарё вилояти бошқармаси ҳамда суд бошқарувчилари иштирокида давра суҳбати ўтказилди.

Статистик маълумотларга кўра, туманлараро иқтисодий судларига 2022 йил 1 чораги давомида аризачи солиқ инспекцияси томонидан банкрот деб топиш тўғрисида жами сони 220 тани ташкил қилади, шулардан, қайтарилган аризалар 29 тани, иш юритишга қабул қилиниб, кўрилган аризалар 124 тани, шулардан 115 таси қаноатлантирилган,           7 таси кўрмасдан қолдирилган, 2 таси рад этилган.

Таҳлиллар шуни кўрсатмоқдаки, туман, шаҳар солиқ инспекцияси томонидан судларга тақдим қилинган банкротлик тўғрисидаги аризаларни Ўзбекистон Республикаси Иқтисодий процессуал кодекси ва 2022 йил 12 апрелга қадар амалда бўлган “Банкротлик тўғрисида”ги Ўзбекистон Республикаси Қонуни ва Ўзбекистон Республикасининг 2022 йил 12 апрелда қабул қилинган “Тўловга қобилиятсизлик тўғрисида”ги ЎРҚ-763-сонли Қонуни талабларига мос ҳолда тақдим этилмаганлиги натижасида 29 та аризани қайтарилишига, 7 та аризани кўрмасдан қолдирилиши, 2 таси аризани  рад этилишига олиб келган.

Давра суҳбати давомида иштирокчиларга Ўзбекистон Республикаси Иқтисодий процессуал кодекси ва Ўзбекистон Республикасининг “Тўловга қобилиятсизлик тўғрисида”ги қонуни мазмун моҳияти тушунтирилган ҳолда, улар билан аризаларни Ўзбекистон Республикаси Иқтисодий процессуал кодекси ва Ўзбекистон Республикасининг “Тўловга қобилиятсизлик тўғрисида”ги Қонунига мос ҳолда тақдим этилиши ва тугатиш ишларни Қонунга мувофиқ олиб борилишига келишиб олинди.

 

Бехзод Махмудов

Сирдарё вилоят судининг иқтисодий ишлар бўйича судьяси

Ижарага берилган ер участкаларидан самарали фойдаланишни ташкил этиш бўйича тушунтиришлар берилди

Сирдарё туманидаги Тараққиёт махалласида судьялар, ҳоким ёрдамчилари, туман ҳокимлиги масъул ходимлари иштирокида учрашув ташкил этилиб, Олий суд томонидан тайёрланган методик қўлланмалар очиқ электрон танлов ғолиби бўлган фуқароларга топширилди, ҳамда уларга тегишли тушунтиришлар берилди.

Бугунги кундаги шароит ва имкониятларни тўғри тушунган фуқароларимиз ҳар қарич ердан унумли фойдаланишга ҳаракат қилмоқда. Ҳатто, шундай хонадонлар борки, йиллар давомида ўзига тегишли ерларни оиласининг асосий даромад манбаига айлантирган.

Бугунги кунда республикамизда етиштирилаётган 80 турдан ортиқ қишлоқ хўжалиги маҳсулотлари дунёнинг 66 та мамлакатига экспорт қилинмоқда.

Ҳисоб-китобларга кўра 1 гектар майдонда етиштирилган пахта хом ашёсига нисбатан узумдан 7 баравар, гилосдан 6 баравар, ёнғоқдан 5 баравар кўп даромад олиш ҳамда ушбу ерларда оилавий тадбиркорлик доирасида кичик интенсив боғдорчилик, узумчилик, полиз, дуккакли, мойли экинлар, картошка етиштириш ва сабзавотчилик лойиҳаларини қўллаб-қувватлаш орқали аҳолининг даромадли меҳнат билан бандлигини таъминлаш бўйича катта имконият мавжуд.

Шу муносабат билан Президентимиз томонидан аҳолини турмуш даражасини яхшилаш, уларнинг моддий фаровонлигини таъминлашга қаратилган чора-тадбирларга алоҳида эътибор қаратиб келинмоқда. Сўнгги йилларда мамлакатимиз Президенти ва Ҳукумати томонидан ушбу йўналишда бир қатор фармон ва қарорлар қабул қилинди.

Аҳолининг турмуш даражасини яхшилаш мақсадида 2022 йилда пахта ва ғалладан бўшаган 80 минг гектар ерлар аҳолига бўлиб берилди.

Ушбу ерлар аҳолига деҳқон хўжалиги ташкил этиш учун, 10 сотихдан 1 гектаргача 10 йил муддатга, очиқ электрон танлов ўтказиш орқали ижарага берилди. Бунда, асосий мезон – ердан самарали фойдаланиш ва яратиладиган иш ўринлари этиб белгиланди.

Ердан унумли фойдаланиш оилавий бизнес учун жуда қулай десак муболаға бўлмайди.

Ишонамизки, Сизга давлат томонидан аҳолининг кенг қатламларини меҳнат билан банд қилиш орқали камбағалликни қисқартириш, аҳолининг иқтисодий барқарорлигини таъминлаш мақсадида ажратилган ер участкаларидан самарали ва оқилона фойдаланасиз.

Акс ҳолда деҳқон хўжалиги ердан оқилона фойдаланмаса, ижара шартномаси суд орқали муддатидан олдин бекор қилинади. Буни ҳар бир деҳқон қонуний тушуниши керак.

                                                        Нодирбек Сангиров

Сирдарё туманлараро иқтисодий суди судьяси  

Сирдарё туманида 15 нафар назорат остидаги шахслар муддатидан илгари шартли равишда жазодан озод қилинди

Жиноят ишлари бўйича Сирдарё тумани судининг судьяси С.Сарибаев раислигида Сирдарё тумани ИИБ пробация бўлинмаси ҳисобида турган жами 15 нафар назорат остидаги шахсларни Ўзбекистон Республикаси ЖКнинг 73-моддасига асосан, ўталмай қолган жазосидан муддатидан илгари шартли равишда озод қилиш тўғрисида судга тақдимномалар суд процессида кўриб чиқилди ва барча тақдимномалар қаноатлантирилди.

Бундан ташқари суд жараёнида, жазони ўташдан бўйин товлаб келган Г.Д нисбатан киритилган тақдимнома суд процессида кўриб чиқилди ва жазоси бошқа жазога алмаштириш тўғрисида ажрим чиқарилди.

Мамлакатимизда оила ва хотин-қизларни тизимли қўллаб-қувватлашга доир ишлар янада такомиллаштирилади

Президентимиз Шавкат Мирзиёев томонидан сўнгги 5 йил ичида мамлакатимизда оила ва хотин-қизларнинг ҳуқуқ ва қонуний манфаатларини ҳимоя қилиш, хотин-қизларнинг иқтисодий, ижтимоий ва сиёсий фаоллигини ошириш, соғлиғини сақлаш, касбга ўқитиш ва бандлигини таъминлаш, тадбиркорликка кенг жалб этиш, гендер тенгликни таъминлаш борасида бир қатор фармон ва қарорлар қабул қилинди.

Шу жумладан, Ўзбекистон Республикаси Президентининг 2022 йил 7 мартдаги “Оила ва хотин-қизларни тизимли қўллаб-қувватлашга доир ишларни янада жадаллаштириш чора-тадбирлари тўғрисида”ги ПФ-87-сонли Фармони қабул қилиниши ҳам истисно эмас.

Мазкур Фармон билан 2022 – 2026 йилларда хотин-қизларнинг мамлакат иқтисодий, сиёсий ва ижтимоий ҳаётининг барча жабҳаларида фаоллигини ошириш бўйича Миллий дастур ва 2022 -2026 йилларда хотин-қизларнинг мамлакат иқтисодий, сиёсий ва ижтимоий ҳаётининг барча жабҳаларида фаоллигини ошириш бўйича Миллий дастурни 2022-2023 йилларда амалга оширишга қаратилган комплекс чора-тадбирлар режаси тасдиқланган.

Шу билан бирга ушбу Фармон билан хотин-қизларнинг иқтисодий, сиёсий ва ижтимоий ҳаётининг барча жабҳаларида фаоллигини ошириш бўйича чора-тадбирлар амалга ошириш билан бир қаторда уларнинг ҳуқуқ ва қонуний манфаатларини ҳимоя қилиш билан боғлиқ бир нечта вазифалар ва чора-тадбирлар амалга ошириш белгиланган.

Жумладан, Мажбурий ижро бюроси ҳузурида юридик шахс ташкил этмаган ҳолда “Алимент тўловлари” давлат мақсадли жамғармаси ташкил этилиши ва унга Мажбурий ижро бюросини ривожлантириш жамғармаси маблағлари ҳисобидан 50 миллиард сўм ажратилиши;

– суд қарори билан алимент тўлаш мажбурияти юклатилган шахслардан белгиланган маблағларни уч ой ичида ундириш имкони бўлмаган ҳолларда “Алимент тўловлари” давлат мақсадли жамғармаси маблағлари алимент тўловлари бўйича шаклланган қарздорликни бир йўла тўлаш учун йўналтирилиши ҳамда кейинчалик алимент тўлаш мажбурияти юклатилган қарздордан суд қарорисиз мажбурий тартибда ундириб олиниши;

– алимент бўйича қарздорлик мавжуд бўлганда қарздорлик тўлиқ бартараф этилгунига қадар қарздорнинг транспорт воситасини бошқариш ҳуқуқини вақтинча чеклаш; қарздорга лицензия ва рухсат бериш хусусиятига эга бўлган давлат хизматларини вақтинча кўрсатмаслик; алимент бўйича қарздорлик мавжудлигини никоҳ тузиш учун монелик қиладиган ҳолат сифатида белгиланган.

Шунингдек, мазкур Фармонда хотин-қизларнинг ҳуқуқ ва қонуний манфаатларини ҳимоя қилишнинг ҳуқуқий асосларини такомиллаштириш ҳамда уларни тазйиқ ва зўравонликдан кенг ҳимоя қилиш мақсадида:

– тазйиқ ва зўравонликдан жабрланувчига давлат ҳимоясини тақдим этувчи ордер суд томонидан бир йил муддатгача берилишини белгилаш;

– чет эл фуқароси Ўзбекистон Республикаси ҳудудида алимент мажбуриятларини бажармаганлик учун судланган ёки маъмурий жавобгарликка тортилган бўлса, унга нисбатан Ўзбекистон Республикасидан чиқариб юбориш ва Ўзбекистон Республикасига кириш ҳуқуқини чеклаш бўйича мажбурлов чораларини қўлламаслик;

– аёлни ўз ҳомиласини сунъий равишда туширишга мажбурлаганлик учун жавобгарликни кучайтириш;

– яқин қариндоши бўлган хотин-қизга қасддан тан жароҳати етказганлик учун жавобгарликни кучайтириш;

– шахс ҳаётининг сир тутиладиган томонларини акс эттирувчи, шаъни ва номусини камситувчи маълумотларни ошкор қилганлик учун жиноий жавобгарликни белгилаш;

– икки ойдан ортиқ муддат мобайнида моддий ёрдамга муҳтож бўлган вояга етмаган ёки меҳнатга лаёқатсиз шахсни моддий таъминлашдан бўйин товлаган шахсга нисбатан ҳақ тўланадиган жамоат ишларига ёки бошқа ишга мажбурий жалб қилиш тарзидаги маъмурий ҳуқуқбузарликка оид жазо турини белгилаш назарда тутилган.

Хотин-қизларни тизимли қўллаб-қувватлашга доир ишлар янада такомиллаштириш мақсадида:

– хотин-қизлар ва эркаклар учун тенг ҳуқуқ ҳамда имкониятларни таъминлаш;

– хотин-қизларнинг меҳнат ҳуқуқлари кафолатларини янада кучайтириш;

– жазони ижро этиш муассасаларида сақланаётган ва ихтисослаштирилган ўқув-тарбия муассасаларида тарбияланаётган хотин-қизларни қўллаб-қувватлаш;

– чет элга ишлаш учун кетган хотин-қизларни қўллаб-қувватлаш, одам савдосининг олдини олиш;

– хотин-қизларнинг манфаатларини ҳимоя қилиш, оналик ва болаликни муҳофаза қилиш бўйича қабул қилинган халқаро конвенциялар ва миллий қонунчилик нормалари ижросини мониторинг қилиш каби чора-тадбирлар белгиланган.

Фармонда белгиланган вазифалар ва мазкур вазифалар асосида қабул қилинадиган қонун ҳужжатлари оила ва хотин-қизларнинг ҳуқуқ ва қонуний манфаатларини ҳимоя қилиш, хотин-қизларнинг иқтисодий, ижтимоий ва сиёсий фаоллигини ошириш, улар орасида жиноятчилик ва ҳуқуқбузарликни олдини олиш, уларнинг ҳуқуқий кафолатлари ва гендер тенгликни таъминлаш учун замин яратади.

С.Рустамов

Сирдарё вилоят маъмурий

судининг судьяси

Суд жараёнида болалар фикри қачон инобатга олинади?

Ўзбекистон Республикасининг Оила кодекси 73-моддасида ота-она ўз болаларини тарбиялаш ҳуқуқига эга ва тарбиялаши шартлиги, ота-она ўз болаларининг тарбияси ва камолоти учун жавобгарлиги, улар ўз болаларининг соғлиғи, жисмоний, руҳий, маънавий ва ахлоқий камолоти ҳақида ғамхўрлик қилишлари шартлиги белгилаб қўйилган.

Ота-она ўз болаларини тарбиялашда бошқа барча шахсларга нисбатан устун ҳуқуққа эга бўлиб, ота-она болаларининг қонун ҳужжатларида белгиланган зарур даражада таълим олишини таъминлаши шартлиги ҳам кўрсатилган.

Ҳалқимиз азалдан оилани муқаддас санаб келиб, оила — ҳаёт абадийлиги ва авлодлар давомийлигини таъминловчи қадриятлар бешиги, келажак авлодлар учун бетакрор тарбия қўрғони эканлигини доим тарғиб этиб келган. Ҳар бир инсон оилада туғилади ва вояга етади. Шундай экан ҳар бир боланинг келажакда ким ва қандай инсон бўлиб камол топишида оила муҳим ўрин тутади.

Лекин ҳаёт доим бир хил силлиқ ўтмаслиги хаммага аён бўлиб, бугунги кунда арзимаган нарсалар ёки бирор бир сабаб билан оилавий ажримлар бўлиб, уларнинг ўрталаридаги фарзанд тарбияси муаммоли ҳолат бўлиб келмоқда.

Натижада ҳозирги кунда икки оила яъни эр ва хотин оилавий ажримдан сўнг бир-бирига нафрат ва ғазаб кўзи билан қарашлиги, икки авлод вакиллари қайнона ва қайнота, қайни ва қайногалар, кайин опа ва қайин сингиллар жигарларини ва набираларини кўриш илинжида юрсада, лекин иккинчи томоннинг ушбу талабларига ўзаро рад этишлиги, бир-бири билан юзлашиш, гаплашиш чоғида бирор бир ҳуқуқбузарликни содир бўлиши, бир-бирини ҳақорат қилиши, маҳаллада эса ортиқча нотинчликларнинг вужудга келишлигини кузатиб турибмиз.

БМТнинг “Бола ҳуқуқлари тўғрисида”ги Конвенциясининг 12-моддасига кўра, ўзининг қарашларини шакллантиришга қодир бола унга таъсир этиши мумкин бўлган ҳар қандай суд ва маьмурий ишларда бевосита ёки қонуний вакил орқали ўз фикрини билдириш ҳуқуқига эга. Мазкур ҳуқуқ қуйидаги иккала ҳолатга ҳам таалуқли – яъни бола бевосита суд иштирокчиси бўлган фуқаролик ишлари ва бошқа шахслар томонидан берилган даъво аризаси асосида ва болага таъсир этиши мумкин бўлган суд ишлари (фарзандликка олиш, ота-онаси алоҳида яшаса, бола ким билан яшашини ҳал қилиш ва ҳ.к).

Ўзбекистон Республикаси Оила кодексининг 68-моддасига мувофиқ оилада боланинг манфаатларига тааллуқли ҳар қандай масала ҳал қилинаётганда бола ўз фикрини ифода қилишга, шунингдек ҳар қандай суд муҳокамаси ёки маьмурий муҳокама даврида сўзлашга ҳақлидир.

Боланинг судда ўз фикрини билдириш ҳуқуқига оид тушунтиришларни Ўзбекистон Республикаси Олий суди Пленуми қарорларида ҳам кузатиш мумкин.

Ўзбекистон Республикаси Олий суд Пленумининг 2013 йил 11 декабрдаги “Судлар томонидан фарзандликка олиш ҳақидаги ишлар бўйича қонунчиликни қўллаш амалиёти тўғрисида”ги қарорига мувофиқ ўн ёшга тўлган болани ишга қатнашишга жалб қилиш масаласини ҳал этишда суд Оила кодексининг бола ҳар қандай суд муҳокамаси даврида сўзлашга ҳақлилигини назарда тутувчи 68-моддаси қоидаларидан келиб чиқиши лозим. Боланинг судда иштироки унга нохуш таъсир этиши мумкинлигини кўрсатувчи асослар мавжуд деб ҳисобланганда, суд ушбу масала бўйича васийлик ва ҳомийлик органининг фикрини аниқламоғи лозим.

Бундан ташқари 1998 йил 11 сентябрдаги Ўзбекистон Республикаси Олий суди Пленумининг “Болалар тарбияси билан боғлиқ бўлган низоларни ҳал қилишда судлар томонидан қонунларни қўллаш амалиёти тўғрисида”ги 23-сонли қарорига кўра суд бошқа-бошқа турадиган ота-оналар ўртасида бўлган уларнинг қайси бири билан қайси боласи яшаш учун қолиши тўғрисидаги низоларни ҳал этишда Ўзбекистон Республикаси Оила кодексининг 71-моддасида белгиланган ота ва онанинг ҳуқуқ ва мажбуриятларининг тенглигига асосланган ҳолда, вояга етмаган болаларнинг манфаатларига ва хоҳишларига мос келадиган ҳал қилув қарори чиқариши лозим.

Бунда суд ота-онадан бирининг моддий-маиший аҳволи устунлигининг ўзи болани унга олиб бериш учун асос бўла оладиган шарт ҳисобланмаслигини назарга олган ҳолда, боланинг ота-онадан, ака-ука, опа-сингилларидан қайси бирига боғланиб қолганлигини, ота-онадан қайси бири болаларига нисбатан кўпроқ ғамхўрлик ва эътибор кўрсатаётганлигини, болаларнинг ёшини ва ота-онадан қайси бирига кўнгил қўйганлигини, ота-онанинг ахлоқий ва бошқа шахсий фазилатларини, ота-онанинг ҳар бири билан бола ўртасидаги муносабатларни, болани тарбиялаш ва унинг камолоти учун шарт-шароитлар (ота-онасининг маълумот тури, иш тартиби, моддий ҳамда оилавий аҳволи ва бошқалар) яратиш имкониятини эътиборга олади.

Суд 10 ёшга тўлган боланинг ота-онасининг қайси бири билан яшаш истаги борлигини ҳам эътиборга олиши мумкинлиги белгилаб қўйилган.

Ҳеч кимнинг оиласи бир-бирига ўхшамаган ҳолда, барчанинг ўз қарашлари, маънавияти, маърифати ва фикрлаш доираси мавжуд бўлиб, суднинг ташаббуси оқибатида тарафлар ўзаро келишган ҳолда ҳам фарзанд тарбиясида тўлиқ иштирок этиб келмоқда.

Жумладан Ойбек исмли фуқаро жавобгар қайнонаси Мафтуна исмли фуқарога нисбатан Севара исмли ўз фарзандини тарбиясига ва қарамоғига олишликни сўраб фуқаролик судига мурожаат қилган.

Суд жараёнида ва иш ҳужжатларида даъвогар турмуш ўртоғи билан ажрашганлигини, турмуш ўртоғи боласини ўз онасига яъни йигитнинг қайнонасига ташлаб кетганлигини, фарзандини ота сифатида ўз тарбиясига олишликни сўраган бўлсада, лекин суд жараёнида ва туман Ҳалқ таълими бўлими васийлик ва ҳомийлик органининг хулосаси ҳамда туман Реабилация ва ижтимоий мослашув марказининг психолог мутахассисларининг хулосасида бола отаси билан 4-5 йиллар давомида бирга яшамаганлигини, йигитнинг алимент қарздорлиги катталигини, йигитнинг бошқа оиласи борлигини, ундан фарзандлари ҳам борлигини, фарзанди қиз бола эканлигини, кўпроқ бувиси билан бирга яшаганлигини, бувисининг набирасининг барча дарсларидан хабар олиб турганлиги аниқланган.

Натижада даъвогар ўз даъво талабини ўзгартириб, фарзандини яхши тарбия топиб келаётганлигини хабардор бўлиб, Ўзбекистон Республикаси Фуқаролик процессуал кодексининг 44-моддасидан келиб чиқиб, даъвогар билдирилган талабларнинг асосини ёки предметини ўзгартириб, бола билан учрашиб туриш ҳақида даъво аризасига алмаштирилди ва суднинг ҳал қилув қарори билан даъвогар Ойбек 26.03.2014 йилда туғилган фарзанди Севара билан учрашиш ва уларнинг тарбиясига иштирок этиш мақсадида ҳар ойнинг биринчи ва тўртинчи ҳафтанинг шанба куни соат 13.00 дан якшанба куни 15.00 га қадар онасига қайтариш шарти билан белгилаб берилган.

Албатта, ҳар бир оилада эр-хотин тинч-тотув, аҳил-иноқ равишда, бахт нашидасини суриб яшаши айни муддаодир. Бунинг учун ҳамма ҳаракат қилиш лозим.

 

Камол Намазов 

Сирдарё вилоят судининг

Фуқаролик ишлари бўйича судьяси     

Искандар Абдурахманов

Сирдарё вилоят судининг судья катта ёрдамчиси

                                                

Коррупция – миллий хавфсизликка таҳдид

 

Ўзбекистон Республикасини ривожланган давлатлар қаторига олиб чиқишда давлат ва жамият ҳаётининг барча сохаларида коррупцияга қарши курашиш, аҳолининг ҳуқуқий онги ва маданиятини юксалтириш, жамиятда коррупцияга қарши муросасиз муносабатни шакиллантириш муҳим ҳисобланади.

Ўзбекистон Республикаси Президенти Ш.М.Мирзиёевнинг ташаббуси билан мамлакатда коррупцияга қарши курашиш сохасида қонун ҳужжатлари, шу жумладан, “Коррупцияга қарши курашиш тўғрисида”ги Ўзбекистон Республикаси Қонуни қабул қилиниб, бу сохада ҳуқуқий асос яратилган. Бундан ташқари, Ўзбекистон Республикаси Президентининг “Коррупцияга қарши курашиш тўғрисида”ги Ўзбекистон Республикаси Қонунининг қоидаларини амалга ошириш чора-тадбирлари тўғрисида”ги 2017 йил 2 февралдаги                     ПҚ-2752-сонли Қарори билан 2017-2018 йилларга мўлжалланган коррупцияга қарши курашиш бўйича Давлат дастури тасдиқланди.

Ушбу Қарор ва Дастурга асосан “Коррупцияга қарши курашиш тўғрисида”ги Ўзбекистон Республикаси Қонуни қоидаларининг самарали ижросини таъминлаш, жамият ва давлат ҳаётининг барча соҳаларида коррупциянинг олдини олишга доир чора-тадбирларни ўз вақтида ва сифатли амалга ошириш мақсадида Коррупцияга қарши курашиш бўйича республика идоралараро комиссияси тузилди.

Ушбу Комиссиянинг асосий вазифалари этиб, -коррупцияга қарши курашиш соҳасидаги давлат дастурларининг ва бошқа дастурларнинг ишлаб чиқилиши ҳамда амалга оширилишини ташкил этиш; -коррупцияга қарши курашиш бўйича фаолиятни амалга оширувчи ва унда иштирок этувчи органлар ҳамда ташкилотларнинг фаолиятини мувофиқлаштириш ва ҳамкорлигини таъминлаш; -аҳолининг ҳуқуқий онги ва ҳуқуқий маданиятини юксалтиришга, жамиятда коррупцияга нисбатан муросасиз муносабатни шакллантиришга доир чора-тадбирларнинг ишлаб чиқилиши ҳамда амалга оширилишини ташкил этиш; -коррупцияга оид ҳуқуқбузарликларнинг олдини олишга, уларни аниқлашга, уларга чек қўйишга, уларнинг оқибатларини, шунингдек уларга имкон берувчи сабаблар ва шарт-шароитларни бартараф этишга доир чора-тадбирлар самарадорлиги оширилишини таъминлаш; -коррупциянинг ҳолати ва тенденциялари тўғрисидаги ахборотни йиғиш ҳамда таҳлил этиш; -коррупцияга қарши курашиш бўйича чора-тадбирлар амалга оширилиши юзасидан мониторингни амалга ошириш, ушбу соҳадаги мавжуд ташкилий-амалий ва ҳуқуқий механизмларнинг самарадорлигини баҳолаш; -коррупцияга қарши курашиш тўғрисидаги қонун ҳужжатларини такомиллаштириш ва ушбу соҳадаги ишларни яхшилаш юзасидан таклифлар тайёрлаш; -коррупцияга қарши курашиш бўйича ҳудудий идоралараро комиссиялар фаолиятини мувофиқлаштириш каби вазифаларни ижросини таъминлаш каби вазифаларни амалга ошириш белгиланди.

Жамият ривожланиш босқичида коррупция иллати дастлаб иқтисодиёт асосларига қарши қаратилган салбий ҳодиса сифатида баҳоланган. Бунда, муайян иқтисодиёт субъектларига прифренциялар бериш, солиқларни яшириш, назорат қилинмайдиган (яъни солиқ ҳисобланмайдиган) хуфия иқтисодиётни яратиш ва шу каби ҳолатларга имкон берувчи шарт-шароит сифатида ривожланган бўлса, коррупциянинг бугунги кун ҳолатида нафақат иқтисодиёт асосларига, балким, ҳокимият, бошқарув ва жамаоат бирлашмалари органларининг нормал фаолиятига қарши қаратилган жиноий ҳодиса сифатида баҳоланмоқда.

Порахўрлик – бошқарув органлари ва жамоат бирлашмалари фаолияти тартибига қарши қаратилган уч мустақил мансаб жиноятлари  – пора олиш, пора бериш ва пора олиш беришда воситачилик қилишни ўзи ичига оладиган атама. Кўрсатилган манфаатларга нисбатан санаб ўтилган ҳар бир тажовуз тугатилган қилмиш сифатида бошқа жиноят билан боғлиқ бўлмаган ҳолда содир этилиши мумкин эмас. Улар ушбу туфайли бир-бири билан шу даражада боғлиқ бўладики, пора олиш фактининг мавжуд эмаслиги пора бериш фактини ҳам истисно этади.

Ҳокимият, бошқарув ва жамоат бирлашмалари органларининг фаолият тартибига қарши бошқа барча жиноятлар каби порахўрлик давлат органлари ва мансабдор шахслардан иборат бўлган бошқарув оммавий аппаратининг нормал фаолият юритишига тажовуз қилади.

Мазкур жиноятнинг ижтимоий хавфлилиги шу билан изоҳланадики, пора олиш мансабдор шахслар томонидан ўзларининг мансаб ваколатларини ижро этишнинг ўрнатилган тартибини кескин ўзгартиради ва бу билан давлат хизмати манфаатларини қўпол бузади. Пора коррупция – ҳокимият ва бошқарув асосларини емирадиган, унинг аҳоли олдидаги обрўсига путур етказадиган, фуқароларнинг қонуний ҳуқуқ ва манфаатларига дахл қиладиган хавфли жиноий ҳодисанинг нисбатан кўп тарқалган ва ўзига хос ҳодисаси ҳисобланади.

 

Нодирбек Сангиров,

Сирдарё туманлараро иқтисодий суди судьяси

Файзиддин Сахобиддинов,

Сирдарё туманлараро иқтисодий суди девонхона мудири

Сайлов ва референдумни ташкил этиш ҳамда ўтказиш соҳасидаги ҳуқуқбузарликлар учун маъмурий жавобгарлик

Амалдаги қонунларимизда сайлов қонунчилигини бузганлик учун маъмурий жазо чоралари белгиланган бўлиб, бундан сайлов жараёни иштирокчиларининг сайлов қонунчилигига тўлиқ риоя этишлари ва сайлов ҳуқуқлари самарали амалга оширилишини таъминлаш муддаоси кўзланган.

Сайлов ва референдумни ташкил этиш ҳамда ўтказиш соҳасидаги ҳуқуқбузарликлар учун Ўзбекситон Республикаси маъмурий жавобгарлик тўғрисидаги кодексда жавобгарликлар белгиланган.

512-моддасида Ўзбекистон Республикаси Марказий сайлов комиссиясининг, сайлов комиссияларининг, референдум ўтказувчи комиссияларнинг фаолиятига аралашиш, худди шунингдек уларнинг ишига тўсиқларни юзага келтириш, — мансабдор шахсларга базавий ҳисоблаш миқдорининг ўн бараваридан ўн беш бараваригача миқдорда жарима солишга сабаб бўлади.

513-моддасида Ўзбекистон Республикаси Марказий сайлов комиссиясининг, сайлов комиссияларининг, референдум ўтказувчи комиссияларнинг қарорларини ижро этмаслик, худди шунингдек уларнинг мурожаатларини кўриб чиқишни ғайриҳуқуқий равишда рад этиш, уларни кўриб чиқиш муддатларини узрли сабабларсиз бузиш, — мансабдор шахсларга базавий ҳисоблаш миқдорининг уч бараваридан етти бараваригача миқдорда жарима солишга сабаб бўлади.

514-моддасида Номзоднинг, ишончли вакилнинг, кузатувчининг ёки сиёсий партия ваколатли вакилининг ҳуқуқларини бузиш, — мансабдор шахсларга базавий ҳисоблаш миқдорининг беш бараваридан ўн бараваригача миқдорда жарима солишга сабаб бўлади.

515-моддасида Сайловолди ташвиқотини, референдумга қўйилган масалалар юзасидан ташвиқот олиб бориш шартлари ва тартибини номзод, ишончли вакил, сиёсий партия вакили, мансабдор шахс томонидан бузиш, — базавий ҳисоблаш миқдорининг етти бараваридан ўн бараваригача миқдорда жарима солишга сабаб бўлади.

516-моддасида Сайлов натижаларига таъсир кўрсатиш мақсадида номзод, сиёсий партия тўғрисида атайлаб ёлғон маълумотларни эълон қилиш ёки бошқа усуллар орқали тарқатиш, — фуқароларга базавий ҳисоблаш миқдорининг уч бараваридан беш бараваригача, мансабдор шахсларга эса беш бараваридан ўн бараваригача миқдорда жарима солишга сабаб бўлади.

517-моддасида Биноларга, иншоотларга ёки бошқа жойларга жойлаштирилган ахборот, ташвиқот материалларини сайловга ёки референдумга тайёргарлик кўриш ва сайлов ёки референдум ўтказиш жараёнида қасддан йўқ қилиб юбориш ёки уларга қасддан шикаст етказиш, — базавий ҳисоблаш миқдорининг уч бараваридан етти бараваригача миқдорда жарима солишга сабаб бўлади.

518-моддасида Сайловни ёки референдумни молиялаштириш тартибини бузиш, — фуқароларга базавий ҳисоблаш миқдорининг беш бараваридан ўн бараваригача, мансабдор шахсларга эса ўн бараваридан йигирма бараваригача миқдорда жарима солишга сабаб бўлади.

519-моддасида Жамоатчилик фикри сўровлари натижаларини, сайлов ёки референдум натижалари тахминларини, шунингдек сайлов ёки референдум билан боғлиқ бошқа тадқиқотларни чоп этиш (эълон қилиш) тартибини бузиш, — мансабдор шахсларга базавий ҳисоблаш миқдорининг ўн беш бараваридан йигирма бараваригача миқдорда жарима солишга сабаб бўлишлари белгилаб қўйилган.

Бу эса ўз навбатида, мамлакатимизда сайловга оид қонунчиликни бузганлик учун маъмурий жавобгарликни белгиловчи нормалар ҳалқаро ҳуқуқнинг умумэътироф этилган нормаларига асосланган ва ривожланган демократик давлатларнинг қонунчилик амалиёти ва тажрибасига ҳам мослигидан далолат беради.

Сайлов қонунчилигини бузиш билан боғлиқ ҳуқуқбузарликлар маъмурий жавобгарлик тўғрисидаги кодексда қатъий белгилаб қўйилиши сайлов эркинлиги принсипини янада тўлиқроқ амалга оширилишига, мамлакатимизда сайлов тизимини янада демократлаштирилишига, сайловнинг очиқ ҳамда ошкоралиги тамойилларини мустаҳкамлашга хизмат қилади.

Юсуф Абизов,

Сирожиддин Сайданов

Сирдарё туманлараро иқтисодий суди судья ёрдамчиси

Перейти к содержимому