Эндиликда судьяларнинг ҳар чоракда оммавий ахборот воситалари орқали ахборот бериш амалиёти янада кучайтириладими?
Оммавий ахборот воситалари вакиллари ҳамда блогерлар билан суҳбат учун кетган вақтингга ачинмайсан, киши. Айниқса, ахборот эгаси очиқлик, тарқатувчиси эса холислик йўлини тутса. Бугун Сирдарё вилояти суди ҳамда вилоят маъмурий судининг оммавий ахборот воситалари вакиллари, блогерлар учун ташкиллаган брифингда ҳам дақиқалар қандай ўтгани билинмади. Боиси, ўзаро мулоқотда маърузалар бўлмади, судлар фаолиятидаги ўтган йил сарҳисоб қилинди, бошланган йилдаги янги амалиётлар ҳақида тушунтиришлар берилди.
