Сирдарё вилояти маъмурий судида семинар бўлиб ўтди
Ўзбекистон Республикаси Президентининг 2022 йил 29 январдаги “Давлат органлари билан муносабатларда фуқаролар ва тадбиркорлик субъектлари ҳуқуқларининг самарали ҳимоя этилишини таъминлаш ҳамда аҳолининг судларга бўлган ишончини янада ошириш чора-тадбирлари тўғрисида”ги ПҚ-107-сонли қарори 5-бандининг биринчи хатбошисида Олий суд ва Судьялар олий кенгаши томонидан манфаатдор вазирлик ва идоралар билан биргаликда фуқаролар ва тадбиркорлик субъектларини, шунингдек, давлат ҳокимияти ва бошқаруви органлари, маҳаллий ижро ҳокимияти органлари ходимларини маъмурий судлар фаолияти ва уларнинг жамиятда қонунийликни таъминлашдаги роли билан батафсил таништирилишини таъминлаш белгиланган.
Мазкур қарор асосида ишлаб чиқилган “Йўл харитаси”нинг ижросини таъминлаш мақсадида Ўзбекистон Республикаси Олий суди, Судьялар олий кенгаши ва Судьялар олий мактаби томонидан 2022 йил 16 апрель куни онлайн семинар-тренинг ўтказиш ҳақидаги режаси тасдиқланган.
Ушбу режа асосида 2022 йил 30 апрель куни Ўзбекистон Республикаси Олий суди, Судьялар олий кенгаши ва Судьялар олий мактаби томонидан видеоконференцалоқа режимида навбатдаги онлайн семинар-тренинг ўтказилиб, Сирдарё вилоят маъмурий суди биносида ушбу семинар-тренингда Сирдарё вилоят маъмурий судининг судьялари, Сирдарё вилоят божхона бошқармаси юридик хизмати бўлими ва соҳага алоқадор бўлган бошқа масъул ходимлари иштирок этишди.
Семинар-тренингда Ўзбекистон Республикаси Президентининг 2022 йил 29 январдаги ПҚ-107-сонли қарорининг мазмун-моҳияти, унда кўзланган асосий мақсад ва вазифалари, маъмурий судларнинг фаолияти ва уларнинг жамиятда қонунийликни таъминлашдаги роли батафсил таништирилиб, ушбу тоифадаги маъмурий низоларни кўриб чиқиш жараёнидаги муҳим масалалар юзасидан маърузалар тингланди.
Семинар-тренинг давомида давлат божхона органлари ходимлари ўзларини қизиқтирган саволларга тўлиқ жавоблар олишди.
Собир Рустамов
Сирдарё вилоят маъмурий судининг судьяси